唔想對眼成日好似「紋」身咁？認住呢五種維他命，對抗眼紋無難度！
正所謂愛一個人要愛佢嘅全部，包括缺點；愛自己，都係同樣道理，你愛靚，同時都要愛埋你眼下啲眼紋！皺紋係年齡增長自然的標記，無可能亦都唔應該完全消滅佢地。我地人生中每一次笑到眯埋眼、又或者喊到隻眼爆血管，呢啲眼紋都見證住，係我地走過斑駁歲月嘅證據。
正因為佢地「勞苦功高」，所以要諗辦法好好優待班功臣老將。如果你長期受深眼紋或眼袋鬆弛影響，有啲維他命可以撫平及減輕皺紋。即使唔會完全令眼紋消失，只要你以維他命配合補濕護膚程序，就可以令眼周輪廓變得柔和，雙眼浮腫盡退，望落都精靈啲。
五大維他命 眼紋速速清
1 維他命C
維他命C一向都係美妝界嘅明星，佢嘅提亮及促進膠原增生功效真係唔係講笑。但維他命C有時會以極不穩定的狀態出現係你嘅護膚品入面，亦即抗壞血酸；呢種成分係唔適合直接用於眼周。隨住年齡增長，我地身體脂肪組織累積，而抗壞血酸係無法穿透呢啲組織。我地建議選用含抗壞血酸磷酸鎂嘅精華，較抗壞血酸來得穩定之餘又無咁刺激皮膚。
2 視黃醇
視黃醇係維他命A 衍生物，有效去暗瘡、提升膠原。相比起佢另一個醫生處方成分雙胞胎 — 視黃酸，視黃醇明顯無咁刺激皮膚。但你又知唔知佢地兩姊妹其實同樣有效抑制細紋？
當你使用含視黃醇嘅產品時，皮膚會自動將佢轉化為視黃酸，過程中因為需要時間，所以變相無咁刺激皮膚。長遠黎講，視黃醇仍然係對抗眼紋嘅強力援軍！只要使用含視黃醇的眼霜，就可以令眼部細紋不再加深或增生。
3 CoQ10 輔酶Q10
輔酶Q10係我地身體細胞天然製造的酶，佢係一種強效抗氧化劑黎架！當細胞需要修復皮膚傷口或維持皮膚健康時，需要用到輔酶Q10所提供的能量；但隨住年齡增長，輔酶所釋出的能量亦會減少、變得緩慢。隨之而來嘅結果就係你身體缺少能量修復自身，令眼紋慢慢出現。
好消息：你可以透過使用含輔酶Q10嘅護膚品黎補充返失去嘅能量！更重要嘅係呢款成分同其他護膚成分非常相親相愛，唔會打交。
4 維他命E
維他命E成日同維他命C出雙入對，可謂抗氧化抗UV最佳情侶。當然，維他命E單獨拆開黎講，仍然係非常有親和力的一種護膚元素，同其他成分相輔相成，合作無間。
如果你眼部皮膚較脆弱，受唔住維他命A （視黃醇）或維他命C嘅攻勢，可以考慮轉用維他命E。唔需要多，只要0.5-1%濃度的維他命E，已經可以有效抗氧化，逆轉肌齡。佢就好似買一送一咁，幫你消埋黑眼圈！
5 維他命D3
同其他四隻維他命唔同，維他命D3通常係口服嘅。護膚品中常見各種維他命D衍生物，但維他命D3係只能夠係皮膚內部先發揮到作用。如果你身體維他命D含量低，有可能令皮膚發炎，甚至減低身體胰島素敏感性，令原本的暗瘡、紅斑痤瘡及濕疹問題更嚴重。胰島素敏感性下降更可令膠原變硬及提早老化，眼紋不減反增。當然，曬多啲太陽可吸收維他命D，但同時增加皮膚受自由基侵害風險。如果你發現自己唔夠維他命D3，就快啲搵救兵喇！
小編貼士：想一次過將五大維他命收編旗下，即刻試下我地嘅多重維他命眼部精華啦！
3大輔助成分 令雙眼回復明麗年輕
以下介紹三種常見輔助成分，佢地嘅強大抗氧化元素有效提升皮膚彈性、提亮同時補；做好防備，就唔會令眼紋有機可乘。 要達至最佳效果，可配搭五大維他命一齊使用。
玫瑰果油
玫瑰果蘊含豐富亞油酸、維他命A及C。除此之外，呢款精油成分溫和，就算用於眼周都適合不過。所以用作輕盈補濕就非常完美，同時減淡眼紋。
石榴籽油
石榴籽油同樣係抗氧化能手，佢蘊含豐富花青素及鞣花酸。佢地可以截斷自由基的營養補給，令佢無法傷害肌膚的膠原，長遠黎計可有效擊退皺紋。石榴籽油亦有鎖水功能，可減淡現有眼紋。
植物精油
西柚、佛手柑、香橙精油唔單止聞落好香，柑橘類精油同時可提亮眼部周圍，全因佢蘊含豐富的維他命C。西柚本身抑菌，佛手柑蘊含去角質AHA (氫氧基酸，即果酸），香橙則性情溫和，適合敏弱肌。最大嘅好處係呢三種柑橘精油都有促進內部循環，減輕黑眼圈及浮腫嘅功效！
想集結抗氧化及補濕兩大原力，就要試下我地嘅多重維他命抗氧化晚間眼霜喇！佢唔單止包括曬以上咁多種元素，仲有好多後勤支援，隨時候命。佢雖然顏色偏淡，但係威力不容小覷；質地介乎精油同精華中間，令皮膚呈現水潤光澤。夜晚護膚時加入呢款產品，享受香橙氣息同時減輕眼紋，想清眼紋？就係咁簡單！
(我們所有產品都根據純淨原則親自挑選，我們只會推薦符合純淨護膚標準的產品。100% PURE™ 可能會自每一筆相關交易中收取小部分佣金。
本文純粹屬教育用途，並不代表任何形式的專業醫學意見、診斷及療法，亦不適合醫學實踐）